Gabineti Diretur Jeral

Arkivu Nasional hanesan diresaun sentral estadu nian ne’ebé lidera hosi Diretor Jeral. Diretor Jeral nu’udar superiormente diriji ANTL hodi responde ba Ministru Administrasaun Estatal ho nia poder tomak hodi emiti diretivitas destina iha kualker dirijenti ou xefia iha ANTL ou pessoa koletiva públiku ne’ebé exerse nia poder hodi foti desizaun, kria komisaun no grupo ne’ebé nesesariu hodi asegura adekuadamentu koordenasaun orgaun servisu ANTL nian hodi presta servisu ba públiku ho kualidade ne’ebé define ona iha artigu Artigo 6.º ho Decreto Lei No. 4/2017 de 22 de Março. Atu suporta servisu iha diresaun jeral arkivu nasional persiza rekursus umanus ne’ebé naton hodi ezekuta no implementa servisu Arkivu Nasional nian. Rekursus umanus ANTL fahe ba kategoria 2: Funsionáriu Públiku no Funsionáriu Temporariu. Funsionáriu públiku fahe mós ba kargu diresaun no xefia hodi lidera no orienta servisu tuir hirarkia servisu iha arkivu nasional. Hirarkia servisu iha ANTL kompostu hosi Diretor Jeral, Diretor Nasional, Chefe Departamentu, iha tinan 2021, hosi numeru funsionáriu 135 ne’ebé existe iha ANTL.