Introdusaun:

Arkivu Nasional Timor Leste (ANTL) intrega iha Ministériu Administrasaun estatal, hanesan orgaun sentral hosi Governu nian ne’ebé responsábel ba konsesaun, ezekusaun, koordenasaun no avaliasaun polítika, ba area poder lokal, desentralizasaun administrativa, dezenvolvimentu lokal no rural.

Responsábel mós ba organizsasaun no ezekusaun ba prosesu eleitorál no pedido no prezervasaun ba dokumentus ofisiál sira. Arkivu Nasional ne’e hanesan entidade ida ne’ebé maka responsábel ba rekoperasaun, manutensaun no halo’ot dokumentu istóriku no dokumentu ofisiál nasaun nian, hanesan:

  1. Promove rekoperasaun no restaura hikas dokumentu sira ne’ebé iha importánsia istórika no ofisiál
  2. Asegura hodi rai ka guarda nodepózitu adekuadu ba dokumentu istóriku no ofisiál sira
  3. Aprezenta no dezenvolve norma no instrusaun partinente sir aba klasifikasaun, tratamentu, restaura no arkivu dokumentasaun nian
  4. Estabelese ligasaun no halo akordu kooperasaun ho entidade nasional no estranjeiru
  5. Asegura ba invistigadór, estudiozo no públiku tomak, asesu ba dokumentasaun istóriku no ofisiál ne’ebé la fó sai tanba segredu estadu nian
  6. Promove padronizasaun kona-ba norma no prátika arkivu nian iha Administrasaun Públika.
Buttom

DNS 2

Atu asegura servisu ne’ebé atribui hosi Governu Konstitusional, ANTL estabele estrutura ne’ebé apropriadu hodi implementa servisu no ezekuta orsamentu bazeia ba Planu Asaun Annual (PAA) ne’ebé maka planeadu hosi Ministeriu Administrasaun Estatal (MAE) no relata progresu servisu nu’udar sasukat ba dezempeñu Arkivu Nasional nian kada tinan.